مساء الخير بنات
اول بوست للسنة الجديدة 2016، ان شاء الله تكون سنة خير علينا كلنا،
اليوم حبيت اتكلم عن الليزر الكربوني وتجربتي الشخصية معاه.
في البداية هذا الليزر معروف بإسم spectra vrm يمكن يستخدم للوجه او الجسم،
يفيد عدة اشياء اهمها: علاج التصبغات والبقع وبالتالي توحيد اللون.
علاج المسام وحبوب الشباب.
تشقير الشعر الوبري للوجه.
نوعية العلاج تختلف حسب التحكم بموجات الجهاز نفسه.
انا جربته للوجه وكان هدفي تخفيف المسام واثار الحبوب، وناوية استخدمه للتشقير في الجلسات الجاية، سويت ثلاث جلسات لحد الآن في البداية جلسة كل اسبوعين وبعدها ممكن كل شهر مرة،
طريقته: في البداية يحطون المادة الكربونية على الوجه مع تجنب منطقة العينين وتخليها حوالي نصف ساعة، وبعدها تبدا بالليزر على نفس المنطقة.
خلال الجلسة حسيت بلسعات وحرارة بس مو لدرجة قوية يعني ممكن نتحملها، وريحة الكربون كانت مزعجة بس خفت تدريجيآ.
بعد الجلسة يكون فيه احمرار خفيف بس يخف بعد كم ساعة، والافضل انك تستخدمين كريم فوسيكورت وماتحطين ميك اب يومين ع الاقل.
انا شخصيآ لاحظت ان المسام خفت بشكل تدريجي وشقر شعر الوجه، والميك اب بعده يكون شكله افضل، لكن هذا النوع من الليزر مااعتبره علاجي لأن المسام والحبوب ماتختفي تمامآ وممكن ترجع بعد فترة، عشان كذا اعتبره من روتين العناية وممكن اسويه كل شهر، ويعتبر اخف من الفراكسل وغيره من علاجات البشرة لانه مايسبب حروق واحمرار وسعره اقل مقارنة بالعلاجات الثانية.
صار متوفر بأغلب مراكز الجلدية وسعره يختلف حسب المركز بس في الغالب بين ٤٠٠ و ٧٠٠ للجلسة الوحدة.
هذي تجربتي ان شاء الله تكون افادتكم واللي جربته تكتب لي تجربتها.
اشوفكم في بوست جديد.
ولاتنسون الاشتراك بالمدونة والانستقرام @norah_world11
شكرا على عرض تجربتك انا ناويه اسويه بس خايفه منه عندي تصبغات ومسامات على الخدود والحمدلله ما عندي آثار حبوب ولا ندبات تتوقعين ينفع معي ؟؟ وناويه اسويه عند ايمان العبره دكتوره مروه أحد تعالج عندها ؟؟؟افيدوني الله يسعدك
ردحذفشكرا على عرض تجربتك انا ناويه اسويه بس خايفه منه عندي تصبغات ومسامات على الخدود والحمدلله ما عندي آثار حبوب ولا ندبات تتوقعين ينفع معي ؟؟ وناويه اسويه عند ايمان العبره دكتوره مروه أحد تعالج عندها ؟؟؟افيدوني الله يسعدك
ردحذفجربيه وان شاء الله يفيدك وبالنسبة للدكتورة مااعرفها والله
حذفلعل من أهم وأحدث التقنيات المستخدمة حاليا في التجميل ، هي تقنية علاج الليزر الكربوني للوجة أو ما يسمى ليزر سبكترا الكربوني؛ حيث حققت نجاحا منقطع النظير في علاج كافة أنواع عيوب البشرة ؛ كإزالة الندوب و حب الشباب و تخفيف التجاعيد و التخلص من الهالات السوداء وصنفرة الجلد وغيرها من العيوب التي عجزت كل الوسائل التقليدية في التخلص منها .
ردحذفشكرًا أنا خايفة من الحروق طمنوني
ردحذف