قبل فترة كتبت عن مشترياتي من الموقع الأمريكي آيهيرب ومن ضمن المشتريات ماسك النعناع من شركة كوين هيلين queen helene وهذا النوع للبشرة الدهنية والمختلطة،تقييمه عالي بالموقع ويعتبر من الأمثر مبيعاً وقررت اخذه، كنت استخدمه بمعدل مرة بالاسبوع تقريبآ، واليوم حبيت اقولكم عنه بالتفصيل.
الماسك من مكوناته النعناع مخصص للبشرات المختلطة وفيه انواع ثانية للبشرة الجافة والحساسة، سعره في الموقع بحدود دولارين يعني مناسب جدا، وكل مكوناته طبيعية وخالي من العطور والبارابين.
مناسب للإستخدام الأسبوعي من تجربتي منعش للبشرة وبعد الاستخدام يساعد على تخفيف المسام وينظف البشرة بعمق ويزيل الدهون المتراكمة والرؤوس السوداء.
مثل ماذكرت سابقآ حلو يكون من روتين العناية الاسبوعي وانصح فيه خاصة ان السعر جداًمناسب للكل وكميته كبيرة.
استخدامه: يكون على بشرة نظيفة تتركينه من ١٠ الى ١٥ دقيقة وبعدها يشطف بالماء فقط.
اتمنى يكون البوست خفيف ومفيد لكم
واشوفكم في بوست جديد.
لاتنسون الاشتراك بالمدونة او الانستقرام @norah_world11
اليوم البوست بيكون خفيف وعن تجربتي الشخصية في علاج الحبوب اللي تطلع بالوجه.
في البداية انا بشرتي مختلطة دهنية عند التي زون وباقي الوجه عادي، عادةً تطلع لي كم حبة بالشهر مع لخبطة الهرمونات والنفسية، جربت اشياء كثيرة بس الكريمات هذي وصفتها لي طبيبة الجلدية وهي اكثر شي فادني، البوست هذا ممكن يفيد البنات اللي نفس بشرتي لكن اللي عندها مشاكل مزمنة بالحبوب ومنتشرة بكثرة الافضل انها تستشير طبيب جلدية وان شاء الله يفيدها.
مثل ماتعرفون الحبة اول ماتبدا تكون حمراء ومتهيجة وانا تطلع لي حبوب من النوع اللي تؤلم، في هذي المرحلة احط عليها كريم ديفرين، وظيفته ينشف الحبة ويخفف إلتهابها،
بالنسبة لي بعد كم يوم تكون الحبة ناشفة بس يبقى اثرها لون غامق ع البشرة هنا اقدر استخدم الكريم الثاني يفتح اللون ويخفف من الآثار وبعدها بأسبوع تقريبآ تكون الحبة اختفت بدون أثر،
الحلو في الكريمات اللي ذكرتها ان مكوناتها طبيعية وخالية من الكورتيزون او الكيماويات الضارة، ومن ضمن المكونات حمض الهايدرولونيك المعروف انه معالج للحبوب والتصبغات.
اهم شي تستخدمين الكريم الثاني بعد ماتخف الحبة مو تكون ملتهبة،
الكريمات اللي ذكرتها من نوع الجل gel وافضل وقت لإستخدامها قبل النوم، موجودة بأغلب الصيدليات،،
اليوم بتكلم عن مسكرتين جربتهم قبل فترة واشتهرت عند اغلب البلوقرز واليوتيوبرز
وكلها من بنيفت اللي هي مسكرا ذير ريل they're real, والثانية رولر لاش roller lash.
اول وحدة نزلت هي ذير ريل من اليسار وسوت ضجة كبيرة ونزلت احصائيات تقول ان كل ٣٠ ثانية تباع حبة منها حول العالم، ومذكور بأنها تعطي طول للرموش وتكثفها لدرجة انها ممكن تعطي شكل الرموش الصناعية بس في الحقيقة هي رموشك عشان كذا سموها they're real.
مثل ماتلاحظون شكل الفرشاة عبارة عن شعرات قصيرة متقاربة وفي النهاية شعرات مائلة عشان تسهل الوصول للرموش في زاوية العين ، بالنسبة لي لاحظت انها تعطي طول للرموش وتفرقها بس ماتعطي كثافة يعني او تبين الرموش اكثف ممكن تستخدمين معها مسكارا ثانية للتكثيف، والحلو فيها انك ممكن تزيدين اكثر من طبقة بدون ماتتكتل بس حاولي تمسحين الزايد على منديل نظيف قبل تحطينها على رموشك، والحلو فيها بعد ان تركيبتها ماتغيرت مع الاستخدام ومانشفت مع ان صار لها فترة طويلة عندي، بعض المسكارات تنشف بعد مانفتحها بفترة بسيطة، الجانب السئ فيها انها ووتر بروف او ضد الموية وتركيبتها ثقيلة عشان كذا تنظيفها صعب وتحتاجين منظف ميك اب قوي لإزالتها.
الماسكرا الثانية من بنيفت هي رولر لاش،
وهي اخر اصدار لهم طبعا كلنا نتفق ان الباكجنق الخاص ببنيفت كيوت وأنثوي وهذا الشي يجذبني،
الماسكرا هذي مستوحاة من رولات الشعر وهدفها انها تعكف الرموش وتحافظ عليها اطول وقت ممكن،
ومثل ماهو واضح بالصورة انها مصممة مثل شكل الرول عشان يسمح لها بِلف الرموش وابرازها،
بالنسبة لي لاحظت انها تعطي طول وكثافة بسيطة، حلوة للاستخدام اليومي او بالنهار، لانها تحلي شكل الرموش بدون مايبين شكلها اوفر، ولاحظت انها اسهل بالتنظيف من ماسكرة ذير ريل،
باختصار كل الماسكرتين حلوة ومناسبة لكن كل بنت تختلف حسب احتياجها سواء من ناحية التطويل او التكثيف وتقدرين تختارين اللي تناسبك.
المسكرات كلهم في سيفورا وسعرها بحدود 160.
اتمنى يكون البوست عجبكم واشوفكم في بوست جديد :)
لاتنسون الاشتراك بمدونتي او صفحتي ع الانستقرام @norah_world11
مرررة اشتقت للمدونة والكتابة فيها، وكاتبة مواضيع كثيرة بس تأخرت بسبب الظروف وضيق الوقت:(
المهم الموضوع اليوم عن باليت نيكد 3، تجيني عليه اسئلة كثيرة وهل يستحق الشراء او لا.
انا شريته اول مانزل قبل سنتين تقريبآ وماكانت موجودة عندنا اربن ديكاي في فروع سيفورا والحين صارت متوفرة اخيرا الحمد لله ف هذا البوست ان شاء الله يكون مفيد لكم.
طبعآ نزل بعده باليت السموكي لكن ماجربته وماافكر اشتريه صراحة لاني تشبعت من الباليتات..
في البداية الباليت هذا الوانه تميل الروز القولد ودرجات الوردي وهذا اللي يميزه عن الباليتات السابقة، العلبة يجي معاها عينات برايمر، وفرشاة بطرفين طرف لوضع الشدو على الجفن وطرف للدمج، سعره في الموقع حوالي 55 دولار، والباليت يتكون من 12 لون، تبدا من الفاتح وتتدرج للغامق،
نجي للألوان بالتفصيل:
من اليسار لليمين:
Strange لون اوف وايت مطفي ينفع هايلايت تحت الحاجب او مدمع العين.
Dust روز قولد مع لمعة خفيفة.
Burnout وردي مع شيمر
Limit لحمي مع اندرتون وردي مطفي ينفع للدمج.
Buzz نحاسي مع اندرتون وردي وشيمر ينفع لكامل الجفن
Trick ذهبي مع شيمر
Nooner بني مع اندرتون موف ينفع للدمج
Liar نحاسي مع شيمر خفيف حلو الدمج او السموكي
Factory بني على رمادي
Mugshot زيتي مع شيمر ذهبي
Darkside بني على رمادي اغمق من اللي قبل
Blackheart اغمق لون في الباليت يعتبر بني غااامق مع شيمر
بالنسبة لي الباليت بشكل عام حلو والوانه مثل ماذكرت غير الباليتات اللي قبل لانه يميل للوردي والروز قولد، يعني اللي تحب هذي الالوان وتستخدمها راح يعجبها..
لو نقارن بينه وبين باليتات نيكد 1,2
الاول اقدر اقول اكثر واحد عجبني واستخدمه الوانه تناسب بشراتنا لانها تميل للألوان الترابية ودرجات البني وينفع للاستخدام اليومي والثاني ماعجبني صراحة لان اغلب ألوانه فيها شيمر ولمعتها قوية وماتنفع بشكل يومي.
آخر جزء حابة اتكلم عنه اللي هو كيف تفرقون بين الاصلي والتقليد،، خاصة ان التقليد عندنا منتشر بشكل يخوف وبنفس السعر واغلب البنات مايفرقون بينهم، اول شي نصيحتي في الميك اب اذا جيتي تشترينه إما انك تاخذينه من المحلات الموثوقة عندنا مثل سيفورا عشان تضمنين الأصلي او تطلبينه من موقعهم اون لاين،،
الشي الثاني عشان تعرفين ان الأصلي دايم يكون عليه سيريال نمبر في الكرتون والعلبة نفسها من ورا، اذا كان مافيه هالشي معناها انه تقليد
وهذا فيديو للتوضيح
اتمنى يكون الموضوع افادكم وأشوفكم في بوست جديد :)
لاتسون تشتركون بالمدونة او الانستقرام @norah_world11
