كيف تختارين الفاونديشن المناسب لبشرتك

مساء الخير بنات ..

اليوم ان شاء الله راح يكون موضوعنا عن الاندرتون لكل بشرة وكيف تختارين الفاونديشن او كريم الأساس المناسب لبشرتك. طبعآ لازم تحطي ببالك ان الفاونديشن تستخدمينه لتعزيز لون بشرتك الطبيعي وتخلينها موحدة بدون عيوب مو عشان تفتحين لونك او تغمقينه هذا أكبر غلط . 

 

في البداية ايش يعني اندرتون ؟؟

الاندرتون هي الصبغة الداخلية للبشرة وتختلف من شخص لآخر بغض النظر عن لون بشرته اللي نشوفه قدامنا.

 

كيف اعرف الاندرتون لبشرتي؟ 

فيه عدة طرق عشان تعرفين الاندرتون لبشرتك :  

اذا كانت عروق اليد تميل للون الأزرق او البنفسجي فالاندرتون يكون بارد، 

أما اذا كانت تميل للون الأخضر او الزيتوني يكون الاندرتون دافي،

واذا كانت تميل للون الازرق والأخضر معآ يكون الاندرتون محايد يعني ممكن يكون اي الالوان مناسب لك. 

وفيه طريقة ثانية لتحديد نوع الاندرتون انك تلبسي سلسال او اكسسوريز ذهبي وبعدين إلبسي فضي وشوفي اي منهم مناسب لك ويطلع أحلى مع لون الوجه والرقبة.

يعني باختصار اذا كان اندرتونك بارد او cool اختاري فاونديشن أساسه يكون وردي. 

واذا كان اندرتونك دافي او warm اختاري فاونديشن يكون أساسه أصفر . 

أما اذا كان اندرتونك محايد اوneutral ممكن يناسبك النوعين سواء الوردي او الاصفر :) 

وفيه نقطة مهمة ايضآ عند اختيار الفاونديشن وهي نوع بشرتك:

مثلآ لو كانت بشرتك دهنية اختاري أساس او فاونديشن خالي من الزيوت oil free/ matt 

واذا كانت بشرتك جافة اختاري العكس عشان مايجفف بشرتك زيادة وهكذا. 

وجربي الفاونديشن في المحل على الرقبة او العنق مو على اليد ويفضل في اضاءة طبيعية.

هذا كان بوست مبسط عن الاندرتون والفاونديشن اتمنى تستفيدون منه لأني تعبت في البحث عن الموضوع وكتابته :) 

شكرآ لمتابعتكم واشوفكم في بوست جديد.  

 

تابعوني على انستقرام: norah_world11