ريفيو عن مقشر فرانك الأسترالي

السلام عليكم،،

راح اتكلم اليوم عن مقشر فرانك اللي اشتهر كثير بالفترة الأخيرة. 

 في البداية المقشر من مكوناته الأساسية القهوة 

مصنوع في أستراليا. 

منه ٣ أنواع الاوريجنال مع القهوة وزيت اللوز الحلو وقشور البرتقال والنوع الثاني بجوز الهند والثالث بالكاكاو. 

  فوائد المقشر: 

مذكور في الموقع انه يزيل الجلد الميت والسترتش مارك والسيلولايت ويساعد في حالات الإكزيما وحب الشباب والصدفية.

  طريقة استخدامه: 

يبلل الجسم بالماء ويؤخذ كمية بسيطة من المقشر وتوضع على الجسم بحركات دائرية باليد وركزي على الأماكن اللي تعانين فيها من مشاكل والافضل تتركينه من خمس الى عشر دقائق قبل الغسل. 

أنا شخصيآ جربت النوع الاوريجنال منه بعد الاستخدام تلاحظين ترطيب ونعومة على الجسم ومع الاستمرار يخفف من السيلولايت ويوحد اللون . 

وتقدرين تستخدمينه مرتين او ثلاث بالأسبوع.

   سلبياته: 

ريحته قوية جدآ لأنه غير معطر ووقت الاستخدام يوسخ الحمام لأنه يطيح بكل مكان

 وغير متوفر في المحلات لكن ممكن تطلبينه من موقعهم الرسمي او أمازون او من التاجرات. 

سعره ٢٥ دولار تقريبآ. 

اتمنى يكون الموضوع افادكم :) 

اشوفكم في بوست جديد ❤️

تابعوني على تويتر: norah_aa

انستقرام:norah_world11