مساء الخير،،
اليوم حبيت أقارن عن منتجين جربتهم وانسألت عنهم كثير، ماسك او قناع الطين الشهير من كاليفورنيا هوليوود قلام قلو وقناع الطين الأيوني من ذا بودي شوب.
المنتجين مخصصة للبشرة المختلطة والدهنية ومذكور انه يساعد على تخفيف المسامات والرؤوس السوداء ويخفف من إفراز الدهون.
كل القناعين لونهم غامق وقوامهم ثقيل ولهم رائحة قوية ومن النوع اللي ينشف على الوجه ويشد البشرة لحد ماتغسلينه.
قناع قلام قلو مذكور انه يتكون من الجلايكوليك والساليسيك اسيد اللي لها دور في علاج بعض مشاكل البشرة، مذكور انه يعالج المسام والحبوب والتصبغات والشعر اللي يطلع تحت الجلد وممكن استخدامه لكل الجسم لكن انا جربته للوجه بس .
قناع الطين الأيوني من ذا بودي شوب نزل مع مجموعة الطحالب البحرية المخصصة للبشرة الدهنية. ماقدرت اعرف عن المكونات كثير لأنها غير مذكورة على العلبة.
طريقة استخدامها:
تغسلين وجهك بالغسول اليومي وبعد التجفيف تحطين كمية من الماسك وتوزعينه على كل الوجه مع تجنب منطقة الهالات وحول العين، أول ماتحطينه ممكن يلسع شوي وبعد ١٥ او ٢٠ دقيقة يكون قد نشف تبللين ايدينك بالموية وتسوين له تقشير لحد ماينظف الوجه تمامآ.
تجربتي مع المنتجين:
بعد ماانظف الماسك أحس بانتعاش وان البشرة مشدودة لكن لابد من الترطيب بعده لأنها تكون جافة، ممكن يستخدم مرتين بالأسبوع فقط، وكل الماسكات ماراح يكون مفعولها سحري على البشرة او تعالج مشاكل لها سنين لكن تأثيرها وقتي ممكن تستخدمينها قبل المناسبة او جزء من روتينك الأسبوعي.
حبيت اكتب عنهم في بوست واحد لأني اشوفهم جدآ يتشابهون كلهم نفس المكونات تقريبآ وكلهم مخصصين لنوع بشرة معين وعطوني نفس النتيجة، مع فرق السعر طبعآ قلام قلو سعره حوالي ٣٥٠ موجود في سيفورا وصيدلية وايتس، وقناع ذا بودي شوب سعره حوالي ٦٠ ريال.
اتمنى انكم استفدتوا من موضوع اليوم واللي جربت شي منهم تكتب لي :)
أشوفكم في بوست جديد.
ليست هناك تعليقات:
إرسال تعليق