السلام عليكم
كيف حالكم بنات،،
تكملة لموضوع العناية بالبشرة من ماسكات وتقشير، حبيت أتكلم اليوم عن موضوع فادني انا شخصيآ وحبيت أشارككم فيه بمدونتي.
بتكلم اليوم عن ترطيب الوجه بالكريم والسيروم ايش الفرق بينهم وليش تعتبر مهمة للبشرة!!
في البداية الترطيب مهم للبشرة مهما كان عمرك ومهما كانت نوعية بشرتك تحتاجين كريم مرطب وكل مااستخدمتيه بدري من سنوات المراهقة مثلا كل ماكان مظهر بشرتك أفضل وملمسها أنعم ، الكريم المرطب وظيفته يغذي البشرة ويرطبها من الخارج وبالتالي يؤخر ظهور الخطوط وعلامات التقدم في السن، ومثل ماذكرت في بوست سابق البشرة الدهنية تستخدم مرطب أساسه مائي والبشرة الجافة تستخدم مرطب أساسه زيتي.
بالنسبة للسيروم تكون تركيبته اخف من المرطب، قوامه عادةً يكون مثل الجل، لأن جزيئات السيروم اصغر من جزيئات المرطب العادي هذا الشي يسمح له يتغلغل بطبقات الجلد الداخلية وبالتالي يخفف من المشاكل اللي تعانيها البشرة من الأعماق أكثر من سطح الجلد، يستخدم بعد غسل الوجه وممكن بعده تستخدمين مرطبك اليومي، تقدرين تختارين السيروم المناسب لك حسب مشاكل بشرتك يعني في الفترة الأخيرة صارت انواع السيروم كثيرة: فيه منها لتخفيف الحبوب بالوجه،ومنها لتخفيف البقع والكلف ومنها لجفاف البشرة ومنها لتخفيف التجاعيد والخطوط .
ومع التقدم بالسن اشوف استخدام كل بنت للسيروم شي ضروري، انا شخصيآ استخدمت سيروم فيتامين سي وسيروم من لانكوم وحاليآ استخدم من كيلز، وراح اكتب عنها قريبآ في البلوق، استخدمه قبل النوم وأكتفي به كمرطب ليلي لأن بشرتي مختلطة، وفي النهار استخدم الكريم المرطب مع نسبة حماية من الشمس.
اتمنى يكون البوست مفيد لكم بمعلومات جديدة وان شاء الله اشوفكم في بوست جديد:)
ليست هناك تعليقات:
إرسال تعليق