مساء الخير بنات
اليوم راح اتكلم عن باليت اوستراليس Australis المخصص للكونتور والهايلايت.
هذي الماركة أسترالية وانتشرت كثير بين اليوتيوبرز الأستراليات فقررت أجربها بعد المدح اللي عليها.
في البداية راح أشرح معنى الكونتور والهايلايت للبنات اللي ماعندهم فكرة.
الكونتور هو استخدام درجة اغمق من لونك سواء باودر او كريم لتحديد الوجه وإعطاءه الظل، عادةً يستخدم الكونتور للوجنتين وجوانب الجبهة والأنف والذقن.
الهايلايت يكون العكس يعني لإبراز الملامح مثل عظمتي الخد او رفع الخدود وأعلى الشفاة ومنتصف الأنف.
وهذي صورة توضح استخدام أماكن الكونتور في الوجه:
يحتوي على ست درجات ثلاثة منها غامقة للكونتور أي تحديد الوجه وثلاثة فاتحة للهايلايت أو الإضاءة.
-درجة هايلايت خفيفة فيها شيمر او لمعة ممكن نستخدمها كإضاءة على عظمة الخد أو مدمع العين او اعلى الشفاة او الأنف او تحت الحاجب.
-درجة هايلايت مطفي مايل للأصفر او المعروفة بإسم بنانا باودر ممتازة لتثبيت الكونسيلر تحت العين.
-درجة هايلايت بلون بيج متوسط ممكن تستخدم على كامل الوجه لتثبيت الفاونديشن.
الصف السفلي من اليمين لليسار:
-درجة برونز مطفية مايلة للأورنج ماتنفع للكونتور لكن ممكن تستخدم كبرونز للوجه.
-درجة برونز مطفية مايل للرمادي مناسبة للكونتور وتحديد الوجه وهي أكثر درجات البرونز اللي استخدمها.
-درجة برونز مطفية أغمق من اللي قبل ومناسبة للكونتور واللون مركز عشان كذا لازم تكون يدنا خفيفة في الاستخدام وناخذ منها شي بسيط على الفرشة.
ممكن بعض البنات يستفسرون ايش الفرق بين البرونز والكونتور وكيف استخدم الألوان المناسبة لها؟؟
ببساطة البرونز تكون ألوانه بني والاندرتون تبعها برتقالي او أحمر، تستخدم بشكل خفيف على الخدود والأنف عشان تعطي اللوك البرونزي او التان للوجه.
الكونتور ألوانه بني والاندرتون على رمادي وتستخدم لتحديد ملامح الوجه وإعطاء الظل.
الألوان صبغتها قوية وممكن أقل كمية تفي بالغرض، وتعتبر باليت مثالي بسعر معقول لأي ميكب ارتيست او اي بنت مهتمة بالميك اب خصوصآ ان درجاتها تناسب معظم البشرات .
وهذا سواتش للألوان من النت:
الباليت غير متوفر بمحلاتنا لكن ممكن تطلبونه من موقعهم، أنا طلبته من متجر shop_ksa_ وكلاء شركة اوستراليس في الرياض، سعره ١٠٠ ريال.
هذا كان بوست اليوم اتمنى انه فادكم واللي عندها اي استفسار تكتب لي بالكومنت، اشوفكم في بوست جديد :)
👍👍👍👍👍❤️❤️❤️
ردحذف