مساء الخير،
اليوم الريفيو عن شي حبيت اتكلم عنه من زمان وهو فولكانيك اش سكرب او مقشر الرماد البركاني من ماك.
في البداية اول مانزل كان ليميتد اديشن بس بعد ماصار عليه إقبال كبير خلوه منتج دائم وطوروه وغيروا التعليب.
هو عبارة عن منظف ومقشر بنفس الوقت، مكون من معادن ورماد بركاني وكريستالات السكر، مناسب لجميع أنواع البشرة ينظف بعمق ويقلل من افرازات الدهون وبنفس الوقت يعطي البشرة ترطيب ونعومة، مذكور في موقعهم انه ممكن يستخدم للوجه والجسم لكن انا استخدمه للوجه فقط، ومذكور انه ممكن يستخدم بشكل يومي لكن انا اشوف مرة بالأسبوع كافية، واذا كانت بشرتك جافة ممكن تستخدمينه مرة كل اسبوعين.
قوامه ثقيل ولونه اسود وله رائحة قوية لكن من ناحية فعاليته اشوف انه مقشر ممتاز خاصة للبشرات المختلطة والدهنية وتقدرين تستخدمينه قبل المناسبة وبيكون الميك اب احلى والبشرة أنعم.
طريقة استخدامه: توزعين كمية بسيطة منه على الوجه وتخلينه من ١٠ إلى ١٥ دقيقة وبعدها تفركين البشرة على خفيف عشان تذوب حبيبات السكر وتغسلينه، وبعدها تقدرين تحطين السيروم او المرطب اليومي.
علبته عملية للحفاظ على المنتج عشان ماينشف وكميته تكفي فترة طويلة.
سعره ١٦٠ تقريبآ على ماأذكر موجود في محلات ماك.
هذا كان ريفيو اليوم اتمنى انكم استفدتوا
وأشوفكم في بوست جديد :)
تابعوني على الإنستقرام : norah_world11
مرات اشك انه للبشره الجافه بعد استخدامه البشره تفرز كميات دهون مو طبيعيه!! صراحه خسارة النص ريال فيه ❌❌❌
ردحذف